பிரான்சில் மீண்டும் கொவிட் 19 வைரஸ் தொற்று அதிகரிக்கத் தொடங்கியுள்ளது. கடந்த 24 மணிநேரத்தில் பதிவான தொற்று விபரங்கள் தொடர்பாக தகவல்களை Santé publique France வெளியிட்டுள்ளது.
அதன்படி, 33,575 பேருக்கு கடந்த 24 மணிநேரத்தில் கொவிட் 19 தொற்று உறுதி செய்யப்பட்டுள்ளது. பிரான்சில் கொவிட் 19 வைரஸ் பரவ ஆரம்பித்ததில் இருந்து இதுவரை 34 மில்லியனுக்கும் அதிகமான தொற்றுக்கள் பதிவாகியுள்ளது.
அதேவேளை, கடந்த 24 மணிநேரத்தில் கொவிட் 19 வைரசினால் 49 பேர் மரணித்துள்ளனர். இதுவரை பிரான்சில் கொவிட் 19 வைரசினால் 154,611 பேர் மரணித்துள்ளனர். இவர்களில் 125,488 பேர் மருத்துவமனைகளில் மரணித்துள்ளனர்.
தற்போது அவசர சிகிச்சைப் பிரிவில் 730 பேர் சிகிச்சை பெற்று வருகின்றனர்.