மெற்றோ, RER சேவைகள் பாதிப்பு! ( முழுமையான விபரங்கள்)

நாளை செவ்வாய்க்கிழமை இடம்பெற உள்ள தொழிலாளர் வேலை நிறுத்தத்தை அடுத்து, இல் து பிரான்ஸ் உட்பட நாடளாவிய ரீதியில் போக்குவரத்து பாதிக்கப்பட உள்ளன. குறிப்பாக மெற்றோ மற்றும் RER சேவைகள் பெருமளவில் பாதிக்கப்பட உள்ளன. அவை தொடர்பான விரிவான தகவல்கள் இங்கே!
******
மெற்றோ!

✅ முதலாம் இலக்க மெற்றோ தடையின்றி பயணிக்கும்.

⚠️ இரண்டாம் இலக்க மெற்றோவில் - நெருக்கடியான வேலை நேரத்தில் மூன்றில் 1 சேவைகள் மட்டுமே இயங்கும்.

⚠️ மூன்றாம் இலக்க மெற்றோவில் Pont de Levallois மற்றும் Havre-Caumartin நிலையங்களுக்கிடையே காலை 6.30 தொடக்கம் 9.30 மணி வரையும், மாலை 4.30 மணி தொடக்கம் 7.30 மணி வரையும் பயணிக்கும்.

⚠️ 3bis சேவைகளில் காலை நேரத்தில் மட்டும் மூன்றில் ஒரு சேவை இயங்கும்.

✅ நான்காம் இலக்க மெற்றோ இரவு 10.30 மணிவரை தடையின்றி இயங்கும்.

⚠️ ஐந்தாம் இலக்க மெற்றோ காலை 6.30 தொடக்கம் 9.30 மணி வரை மூன்றில் ஒரு சேவையும், மாலை 4.30 மணியில் இருந்து 7.30 மணி வரை நான்கில் ஒரு சேவையும் இயங்கும்.

⚠️ ஆறாம் இலக்க மெற்றோ நெருக்கடியான வேலை நேரத்தில் மூன்றில் ஒரு சேவையும், ஏனைய நேரத்தில் நான்கில் ஒரு சேவையும் இயங்கும்.

⚠️ ஏழாம் இலக்க மெற்றோ நெருக்கடியான வேலை நேரத்தில் மட்டும் நான்கில் ஒரு சேவை இயங்கும்.

⚠️ 7bis சேவைகள் நெருக்கடியான வேலை நேரத்தில் இரண்டில் ஒரு சேவை இயங்கும்.

⚠️ எட்டாம் இலக்க மெற்றோ Créteil Pointe du Lac மற்றும் Reuilly Diderot நிலையங்களிடையே, நெருக்கடியான வேலை நேரத்தில் மூன்றில் ஒரு சேவை இயங்கும்.

⚠️ ஒன்பதாம் இலக்க மெற்றோ காலை 6.30 தொடக்கம்10 மணி வரையும், மாலை 4.30 தொடக்கம் 8 மணி வரையும் மூன்றில் ஒரு சேவை இயங்கும்.

⚠️ பத்தாம் இலக்க மெற்றோ காலை 6.30 தொடக்கம் 9.30 மணி வரையும், மாலை 4.30 தொடக்கம் 7.30 மணி வரையும் மூன்றில் ஒரு சேவை இயங்கும்.

⚠️ பதினோராம் இலக்க மெற்றோ சேவைகள் காலை 6.30 தொடக்கம் 9.30 மணி வரை மூன்றில் ஒரு சேவையும், Belleville மற்றும் Mairie des Lilas நிலையங்களிடையே மாலை 4.30 தொடக்கம் 7.30 மணி வரை மூன்றில் ஒரு சேவையும் இயங்கும்.

⚠️ பன்னிரெண்டாம் இலக்க மெற்றோ Mairie d'Issy மற்றும் Concorde நிலையங்களுக்கிடையே காலை 6.30 தொடக்கம் 9.30 மணி வரையும், மாலை 4.30 தொடக்கம் 7.30 மணி வரையும் நான்கில் ஒரு சேவைகள் இயங்கும்.

⚠️ பதின்மூன்றாம் இலக்க மெற்றோ நெருக்கடியான வேலை நேரத்தில் மூன்றில் ஒரு சேவை இயங்கும்.

✅ பதின்நான்காம் இலக்க மெற்றோ இரவு 10 மணி வரை தடையின்றி பயணிக்கும். 
********

RER!

⚠️ RER A சேவைகள் மூன்றில் ஒன்று இயங்கும்.

⚠️ RER B சேவைகள் வடக்குப் பகுதியில் மட்டும் மூன்றில் ஒரு சேவை இயங்கும். Gare du Nord நிலையத்தில் interconnection நாள் முழுவதும் தடைப்படும்.

⚠️ RER C சேவைகளில் Paris Austerlitz மற்றும் Pontoise/Saint-Quentin நிலையங்களுக்கு இடையிலும், Yvelines/Versailles Rive Gauche நிலையங்களுக்கிடையிலும் ஐந்தில் ஒரு சேவை இயங்கும்.

⚠️ RER D சேவைகளில் ஐந்தில் ஒரு இயங்கும். Châtelet மற்றும் Gare de Lyon நிலையங்களிடையே சேவைகள் தடைப்படும்.

⛔️ RER E சேவைகளில் பத்தில் ஒரு சேவை மட்டுமே இயங்கும்.